«Ювентус» ҳужумчиси Пауло Дибала фақат икки клуб билан эҳтимолий трансферни муҳокама қилди.

Аргентиналик футболчи мавсум охирида эркин агентга айланади, чунки унинг «Ювентус» билан амалдаги шартномаси узайтирилмаган.

Calciomercato хабарига кўра, Дибаланинг хизматларига кўплаб клублар қизиқиш билдираётганига қарамай, фақат «Интер» ва «Атлетико» клублари 28 ёшли футболчининг вакиллари билан боғланишган.

Эслатиб ўтамиз, аввалроқ Дибалага Англия премьер-лигаси вакиллари, шунингдек, «ПСЖ» ва «Барселона»дан талаб юқори экани ҳақида хабар берилганди.

Пауло Дибала жорий мавсум «Ювентус» сафида 33 та ўйинда майдонга тушди. Унинг ҳисобида 13 та гол ва 6 та голли узатма бор.