«Milan» yarim himoyachisi Sandro Tonali so‘nggi daqiqalarda «Lasio» bilan o‘yinda urgan g‘alaba goli haqidagi fikrlari bilan o‘rtoqlashdi.
21 yoshli yarim himoyachi Rimdagi uchrashuvning 92-daqiqasida gol urdi va bu milanliklarga chempionlik uchun kurashda davom etish imkonini berdi.
«Bu ajoyib tuyg‘u, bu bizga yomon startdan keyin ko‘p mehnat qilgan natijani keltirdi. Shunday tuyg‘u bor ediki, stadionni ko‘p qismi milanlik muxlislar bilan to‘lgandek edi.
Bu hayotimdagi eng yaxshi lahzalardan biri deb ayta olmayman, lekin buni hech qachon unutmayman. «Milan» uchun urilgan har qanday gol unutilmas tuyg‘u, bunday gol haqida gapirmasa ham bo‘ladi.
So‘nggi o‘yinlarda bizg yaratilgan vaziyatlardan foydalanish yetishmadi, ammo bugun biz buni hal qiluvchi daqiqada uddaladik" - dedi Tonali.
