«Милан» ярим ҳимоячиси Сандро Тонали сўнгги дақиқаларда «Лацио» билан ўйинда урган ғалаба голи ҳақидаги фикрлари билан ўртоқлашди.
21 ёшли ярим ҳимоячи Римдаги учрашувнинг 92-дақиқасида гол урди ва бу миланликларга чемпионлик учун курашда давом этиш имконини берди.
«Бу ажойиб туйғу, бу бизга ёмон стартдан кейин кўп меҳнат қилган натижани келтирди. Шундай туйғу бор эдики, стадионни кўп қисми миланлик мухлислар билан тўлгандек эди.
Бу ҳаётимдаги энг яхши лаҳзалардан бири деб айта олмайман, лекин буни ҳеч қачон унутмайман. «Милан» учун урилган ҳар қандай гол унутилмас туйғу, бундай гол ҳақида гапирмаса ҳам бўлади.
Сўнгги ўйинларда бизг яратилган вазиятлардан фойдаланиш етишмади, аммо бугун биз буни ҳал қилувчи дақиқада уддаладик" - деди Тонали.
