"Barselona" ustozi Xavi Ernandes "Rayo Valyekano"ga qarshi bahsdan keyin o‘z fikrlarini bildirib o‘tdi.
"Biz o‘zimiz istagan natijaga erisha olmadik. Chunki o‘yin talab etgan xarakterni ko‘rsata bilmadik. Men qo‘rqqan narsa reallikka aylandi. Murakkab ahvolda ekanimizni tan olaman. Ha, hali ham YECHL uchun kurashmoqdamiz, ammo o‘z vaziyatimizni o‘zimiz og‘irlashtirib qo‘ydik. Kurashishda davom etishimiz kerak", — deydi ispan mutaxassisi, "Marca" nashriga bergan intervyusida.