"Paxtakor" jamoasi bosh murabbiyi Slavche Voyneski Osiyo Chempionlar ligasi guruh bosqichi 6-turidan o‘rin olgan "At-Ta’avun"ga qarshi o‘yin oldidan o‘z fikrlari bilan o‘rtoqlashdi.
"Ertaga oxirgi o‘yinimizni o‘tkazamiz. So‘nggi o‘yinda judayam omadsiz bo‘ldik. Vaziyatlardan foydalanmaslik oqibatida jazolandik. Futbolchilar bosimsiz erkin o‘ynashi mumkin. Mezbonlar esa keyingi bosqichga chiqishga urinishadi. Biz g‘alaba uchun harakat qilamiz. Tarkibda ba’zi o‘zgarishlar qilib, yoshlarga imkon berishimiz mumkin.
Biz natijaga erishmaganimiz uchun butun jamoa bilan birga muxlislarimizdan, rahbariyatdan kechirim so‘raymiz. Aynan ijobiy natijalarni qo‘lga kirita olmaganimiz uchun ham g‘alaba maqsadida o‘ynash bizga ishtiyoq beradi.
Uch nafar futbolchi bizga yordam bera olmaydi. Biz qo‘ldan kelgancha yutuq uchun o‘ynaymiz. Futbolda doim kurashish zarur, maydonda borini berish lozim. Jamoa xarakteri shunda shakllanadi. Biz "Ta’avun"ga qarshi maydonda bor kuchimizni beramiz. Hozir eng yaxshi holatda bo‘lgan futbolchilar maydonga tushadi. Yosh futbolchilar o‘yin mobaynida imkoniyat oladi", - dedi mutaxassis.
Eslatib o‘tamiz, "Paxtakor" va "At-Ta’avun" o‘rtasidagi o‘yin 26 apreldan 27 aprelga o‘tar kechasi Burayda shahridagi "Qirol Abdulloh" stadionida Toshkent vaqti bilan soat 01:15 da boshlanadi.
