"Пахтакор" жамоаси бош мураббийи Славче Войнески Осиё Чемпионлар лигаси гуруҳ босқичи 6-туридан ўрин олган "Ат-Таъавун"га қарши ўйин олдидан ўз фикрлари билан ўртоқлашди.

"Эртага охирги ўйинимизни ўтказамиз. Сўнгги ўйинда жудаям омадсиз бўлдик. Вазиятлардан фойдаланмаслик оқибатида жазоландик. Футболчилар босимсиз эркин ўйнаши мумкин. Мезбонлар эса кейинги босқичга чиқишга уринишади. Биз ғалаба учун ҳаракат қиламиз. Таркибда баъзи ўзгаришлар қилиб, ёшларга имкон беришимиз мумкин.

Биз натижага эришмаганимиз учун бутун жамоа билан бирга мухлисларимиздан, раҳбариятдан кечирим сўраймиз. Айнан ижобий натижаларни қўлга кирита олмаганимиз учун ҳам ғалаба мақсадида ўйнаш бизга иштиёқ беради.

Уч нафар футболчи бизга ёрдам бера олмайди. Биз қўлдан келганча ютуқ учун ўйнаймиз. Футболда доим курашиш зарур, майдонда борини бериш лозим. Жамоа характери шунда шаклланади. Биз "Таъавун"га қарши майдонда бор кучимизни берамиз. Ҳозир энг яхши ҳолатда бўлган футболчилар майдонга тушади. Ёш футболчилар ўйин мобайнида имконият олади", - деди мутахассис.

Эслатиб ўтамиз, "Пахтакор" ва "Ат-Таъавун" ўртасидаги ўйин 26 апрелдан 27 апрелга ўтар кечаси Бурайда шаҳридаги "Қирол Абдуллоҳ" стадионида Тошкент вақти билан соат 01:15 да бошланади.