Turinning «Yuventus» klubi futbolchilari Matteys de Ligt va Dushan Vlaxovichlar bugun Italiya chempionati doirasida «Sassuolo» jamoasiga qarshi bo‘lib o‘tadigan o‘yinida ishtirok etishlari mumkin.
Uchrashuv oldidan «keksa sinyora» murabbiylar shtabi futbolchilarning holatiga baho beradi va shundan so‘ng ularning ishtiroki borasida bir qarorga keladi.
Shubha ostida bo‘lgan de Ligt va Vlaxovichdan tashqari «Yuventus» jamoasiga«Sassuolo» bilan bo‘lib o‘tadigan o‘yinda Artur Melo, Xuan Kuadrado, Federiko Kyeza, Manuel Lokatelli, Kayo Xorxe va Veston Makkenilar ham yordam bera olmaydi. Chunki, bu barcha futbolchilar turli jarohatlar olgan.
Turinning «Yuventus» klubi ayni damda A Seriyada 4-o‘rinda bormoqda.
