«Real» klubi bosh murabbiyi Karlo Anchelotti «Manchester Siti»ga qarshi o‘yin haqida fikr bildirdi.

Jamoalar 27 aprel kuni Chempionlar ligasining yarim final dastlabki uchrashuvida to‘qnash kelishadi.

"Biz uchun "Real"ning ushbu musobaqadagi tarixi juda muhim, raqiblarimiz uchun esa undan ham muhimroq. Klub ko‘p yillar davomida yozayotgan bu hikoya futbolchilarga klub formasining og‘irligini his qilishlariga yordam beradi - bu ijobiy ta’sir. Ushbu libosda maydonga tushish futbolchiga yaxshi ma’noda mas’uliyat yuklaydi.

Hech kim kutmagan ikki jamoa yarim finalga chiqdi - «Real» va «Vilyarreal». Biz shu bosqichga yetganimizdan xursandmiz va kurashamiz. Real Madrid har doim 100 foiz kurashadi.

"Manchester Siti"ga qarshi uchrashuv natijasi ertaga hal bo‘lmaydi, «Santyago Bernabeu»da hal bo‘ladi.

Biz uchun yarim finalga chiqish muvaffaqiyat emas, finalga chiqish ishtiyoqidamiz. Bizning maqsadimiz - finalga chiqish va «Real»ning finalga yo‘l olishi odatda g‘alaba qozonish imkoniyatiga ega", - dedi italiyalik murabbiy.