«Реал» клуби бош мураббийи Карло Анчелотти «Манчестер Сити»га қарши ўйин ҳақида фикр билдирди.
Жамоалар 27 апрель куни Чемпионлар лигасининг ярим финал дастлабки учрашувида тўқнаш келишади.
"Биз учун "Реал"нинг ушбу мусобақадаги тарихи жуда муҳим, рақибларимиз учун эса ундан ҳам муҳимроқ. Клуб кўп йиллар давомида ёзаётган бу ҳикоя футболчиларга клуб формасининг оғирлигини ҳис қилишларига ёрдам беради - бу ижобий таъсир. Ушбу либосда майдонга тушиш футболчига яхши маънода масъулият юклайди.
Ҳеч ким кутмаган икки жамоа ярим финалга чиқди - «Реал» ва «Вильярреал». Биз шу босқичга етганимиздан хурсандмиз ва курашамиз. Реал Мадрид ҳар доим 100 фоиз курашади.
"Манчестер Сити"га қарши учрашув натижаси эртага ҳал бўлмайди, «Сантяго Бернабеу»да ҳал бўлади.
Биз учун ярим финалга чиқиш муваффақият эмас, финалга чиқиш иштиёқидамиз. Бизнинг мақсадимиз - финалга чиқиш ва «Реал»нинг финалга йўл олиши одатда ғалаба қозониш имкониятига эга", - деди италиялик мураббий.
