Jurnalist Rudi Galettining so‘zlariga ko‘ra, «Vest Xem» yozda hujumchi, hujumkor yarim himoyachi va markaziy himoyachi sotib olmoqchi.

Manbaga ko‘ra, gap «Blekbern» futbolchisi Ben Brereton, «Manchester Yunayted» vingeri Jessi Lingard va «Byornli» a’zosi Jeyms Tarkovskiy haqida ketmoqda. Uchala futbolchining ham shartnomasi yozda tugaydi, shuning uchun «Vest Xem» ular bilan tekinga shartnoma imzolashi mumkin.

Brereton joriy mavsumda «Blekbern» safida barcha musobaqalarda 36 ta o‘yinda maydonga tushib, 21 ta gol va 1 ta golli uzatmani amalga oshirdi. 23 yoshli chililik futbolchi transfermarktda 10 mln yevroga baholangan.

Lingard joriy mavsumda «qizil iblislar» safida 22 ta o‘yinda maydonga tushib, 2 ta gol va 1 ta golli uzatmaga mualliflik qilgan. 29 yoshli angliyalik futbolchi 20 million yevroga baholangan.

«Byornli» himoyachisi Tarkovskiy joriy mavsumda 33 ta o‘yinda maydonga tushib, 1 ta gol va 2 ta golli uzatmani amalga oshirdi. 29 yoshli angliyalikning narxi 22 million yevro.