Журналист Руди Галеттининг сўзларига кўра, «Вест Хэм» ёзда ҳужумчи, ҳужумкор ярим ҳимоячи ва марказий ҳимоячи сотиб олмоқчи.

Манбага кўра, гап «Блэкберн» футболчиси Бен Бреретон, «Манчестер Юнайтед» вингери Жесси Лингард ва «Бёрнли» аъзоси Жеймс Тарковский ҳақида кетмоқда. Учала футболчининг ҳам шартномаси ёзда тугайди, шунинг учун «Вест Хэм» улар билан текинга шартнома имзолаши мумкин.

Бреретон жорий мавсумда «Блэкберн» сафида барча мусобақаларда 36 та ўйинда майдонга тушиб, 21 та гол ва 1 та голли узатмани амалга оширди. 23 ёшли чилилик футболчи трансфермарктда 10 млн еврога баҳоланган.

Лингард жорий мавсумда «қизил иблислар» сафида 22 та ўйинда майдонга тушиб, 2 та гол ва 1 та голли узатмага муаллифлик қилган. 29 ёшли англиялик футболчи 20 миллион еврога баҳоланган.

«Бёрнли» ҳимоячиси Тарковский жорий мавсумда 33 та ўйинда майдонга тушиб, 1 та гол ва 2 та голли узатмани амалга оширди. 29 ёшли англияликнинг нархи 22 миллион евро.