Osiyo chempionlar ligasi "D" guruhining so‘nggi turida "Paxtakor" Saudiya Arabistonining "At-Ta’vun" klubini mag‘lub etib, "Nasaf"ning pley-offga chiqish imkoniyatini keskin oshirib yubordi. Ushbu maqola orqali shu haqda batafsil to‘xtalib o‘tamiz.
Xabaringiz bor, guruh g‘oliblari hamda G‘arb mintaqasidagi 5ta guruhda ikkinchi o‘rinni egallagan jamoalar orasida eng yaxshi ko‘rsatkichga ega bo‘lgan 3ta klub pley-off yo‘llanmasiga ega bo‘lishadi. "E" guruhida ishtirok etayotgan "Nasaf" 8 ochko bilan 2-o‘rinni egallab turibdi. Saudiya Arabistonining "Al-Faysaliy" klubi esa 9 ochko bilan peshqadam bo‘lib turibdi. 6-turda qarshiliklar Iordaniyaning "Al-Vihdat" klubi bilan to‘qnash kelsa, "Faysaliy" Qatarning "As-Sadd" jamoasini sinovdan o‘tkazadi.
Ayni paytda G‘arb mintaqasidagi 3ta guruhda barcha o‘yinlar yakunlandi. "D" guruhida 2-o‘rinni egallagan "At-Ta’vun" va "B" guruhida ikkinchi pog‘onani band etgan Hindistonning "Mumbay Siti" jamoalari 7 ochko jamg‘arishdi. Demak, ular "Nasaf"dan aniq ortda qolishdi. Shu bois, agar qarshiliklar o‘z guruhlarida 2-o‘rinni egallashsa, 2-o‘rindagilar reytingida aniq kuchli uchlikda bo‘lishadi.
|
№ |
Guruh |
Jamoalar |
O‘ |
Yu |
D |
M |
T - N |
Ochko |
|
1 |
"A" |
Ar-Rayyan (Qatar) |
5 |
3 |
1 |
1 |
8-7 |
10 |
|
2 |
"C" |
Shabab al-Ahli (BAA) |
6 |
2 |
4 |
0 |
14-7 |
10 |
|
3 |
"E" |
Nasaf (O‘zbekiston) |
5 |
2 |
2 |
1 |
6-3 |
8 |
|
4 |
"D" |
At-Ta’vun (S.Arabistoni) |
6 |
2 |
1 |
3 |
13-12 |
7 |
|
5 |
"B" |
Mumbay Siti (Hindiston) |
6 |
2 |
1 |
2 |
3-11 |
7 |
1) "Nasaf"dan esa "E" guruhida kamida 2-pog‘onani egallash talab etiladi. "Al-Vihdat" hisobida ayni paytda 5 ochko mavjud. Ro‘ziqul Berdiyev jamoasi bu jamoaga qarshi dastlabki o‘yinda 2:0 hisobida g‘alaba qozongandi. Shuning uchun, hattoki 2ta to‘p farqi bilan mag‘lubiyat ham "Nasaf"ni keyingi bosqichga olib chiqadi. Tabiiyki, iordaniyaliklar yirik hisobdagi g‘alaba uchun harakat qilishadi.
2) "Al-Vihdat"ga qarshi o‘yindagi durang ham "ajdarlar"ga ikkinchi o‘rinni taqdim etadi.
3) "Nasaf" 6-turda g‘alaba qozonsa:
A) "Al-Faysaliy" Qatar chempioni bilan o‘yinda ochko yo‘qotsa, "Nasaf" 11 ochko bilan guruh g‘olibiga aylanadi.
B) "Al-Faysaliy" so‘nggi turda g‘alaba qozonsa, "Nasaf" 11 ochko bilan guruhda 2-o‘rinni egallaydi.
