Angliya matbuotining yozishiga qaraganda, «Derbi Kaunti» bosh murabbiyi Ueyn Runi «Byornli»ning yangi bosh murabbiyi bo‘lish uchun asosiy nomzodlardan biri.
Yaqinda «Byornli»da ko‘p yillar davomida muvaffaqiyat qozongan Shon Daych o‘z lavozimidan ozod qilindi. Shu sababli, klub rahbariyati yangi murabbiy qidirmoqda. Mavsum oxirigacha jamoani Mayk Jekson vaqtincha boshqaradi.
Ueyn Runi «Byornli»ning short-listida birinchi o‘rinni egallab turibdi, deb xabar bermoqda The Sun. Manbaning ta’kidlashicha, agar Jekson jamoani Premyer-ligada olib qola olmasa, u holda "Derbi Kaunti"ning hozirgi bosh murabbiyi "Byornli" ustoziga aylanishi mumkin.