Англия матбуотининг ёзишига қараганда, «Дерби Каунти» бош мураббийи Уэйн Руни «Бёрнли»нинг янги бош мураббийи бўлиш учун асосий номзодлардан бири.
Яқинда «Бёрнли»да кўп йиллар давомида муваффақият қозонган Шон Дайч ўз лавозимидан озод қилинди. Шу сабабли, клуб раҳбарияти янги мураббий қидирмоқда. Мавсум охиригача жамоани Майк Жексон вақтинча бошқаради.
Уэйн Руни «Бёрнли»нинг шорт-листида биринчи ўринни эгаллаб турибди, деб хабар бермоқда The Sun. Манбанинг таъкидлашича, агар Жексон жамоани Премьер-лигада олиб қола олмаса, у ҳолда "Дерби Каунти"нинг ҳозирги бош мураббийи "Бёрнли" устозига айланиши мумкин.
