Bugun O‘zbekiston kubogining nimchorak final bosqichiga qur’a tashlash marosimi bo‘lib o‘tadi.

O‘zbekiston Professional futbol ligasi 1/8 final bosqichi uchrashuvlarini 11-14 avgust sanalariga rejalashtirgan. 23-24 avgust kunlarida chorak final, 15-16-oktyabrda esa yarim final uchrashuvlari bo‘lib o‘tadi. Buxoro shahridagi final uchrashuvi 29-oktyabrga reja qilingan.

1/8 final bosqichiga qur’a tashlash marosimi “Sport” telekanalda jonli translyasiya qilinadi. Tadbir 28 aprel — payshanba kuni soat 18:00 da “Bizning futbol” dasturi doirasida efirga uzatiladi.

Ma’lumot uchun, 1/8 final qur’asi oldidan jamoalar 2 ta savatga ajratib olinadi va bir savatdagi raqiblar o‘zaro raqib bo‘lmaydi. 1-savatdan o‘tgan yilgi chempion hamda kubok sohibi, shuningdek, guruh bosqichi peshqadamlari joy olgan. Bellashuvlar qaysi jamoaning maydonida o‘tishi masalasiga qur’a yordamida aniqlik kiritib olinadi.