«Roma» bosh murabbiyi Joze Mourinyo Konferensiyalar ligasi yarim finalida «Lester»ga qarshi o‘yindagi durang (1:1) haqida fikr bildirdi.

«Aminmanki, ushbu o‘yinni tomosha qilgan barcha «Roma» muxlislari hozir xursand, chunki qarama-qarshilik taqdiri bizning stadionda hal bo‘ladi. Lekin bilamanki, 70 000 tomoshabin qo‘llab-quvvatlasa ham, baribir bizga oson bo‘lmaydi.

Men bu o‘yinni tahlil qilishim va keyin uni bir muddat unutib, bor e’tiborimni «Bolonya»ga qarshi keyingi liga o‘yiniga qaratishim kerak. A Seriyada beshinchi va oltinchi o‘rinlar o‘rtasida farq bor. Biz keyingi mavsumda Yevropa Ligasida o‘ynashimizga ishonch hosil qilishni istaymiz”, - dedi portugaliyalik murabbiy o‘yindan keyingi intervyusida.