«Рома» бош мураббийи Жозе Моуриньо Конференциялар лигаси ярим финалида «Лестер»га қарши ўйиндаги дуранг (1:1) ҳақида фикр билдирди.
«Аминманки, ушбу ўйинни томоша қилган барча «Рома» мухлислари ҳозир хурсанд, чунки қарама-қаршилик тақдири бизнинг стадионда ҳал бўлади. Лекин биламанки, 70 000 томошабин қўллаб-қувватласа ҳам, барибир бизга осон бўлмайди.
Мен бу ўйинни таҳлил қилишим ва кейин уни бир муддат унутиб, бор эътиборимни «Болонья»га қарши кейинги лига ўйинига қаратишим керак. А Серияда бешинчи ва олтинчи ўринлар ўртасида фарқ бор. Биз кейинги мавсумда Европа Лигасида ўйнашимизга ишонч ҳосил қилишни истаймиз”, - деди португалиялик мураббий ўйиндан кейинги интервьюсида.
