“Chelsi” hujumchisi Romelu Lukaku faoliyatini Ispaniyada davom ettirishi mumkin.
Erling Xoland (“Borussiya”) yoki Robert Levandovski (“Bavariya”)ni qo‘lga kiritishda qiynalayotgan “Barselona” belgiyalik futbolchini o‘z safiga qo‘shib olish imkoniyatini ko‘rib chiqishga tayyor, deya xabar bermoqda Diario Sport.
"Blaugranlar" prezidentining sport maslahatchisi Jordi Kroyff va direktor Mateu Alemani allaqachon Lukakuning agenti Federiko Pastorello bilan uchrashib, transfer masalasini muhokama qilishgan. Kataloniyaliklar Lukakuni sotib olishga qurbi yetmagani uchun ijara varianti ko‘rib chiqilmoqda.
Hozircha bu masala bo‘yicha aniq ma’lumotlar yo‘q, tomonlar birinchi navbatda "Chelsi" egasining o‘zgarishi bilan bog‘liq vaziyat qanday rivojlanishini baholamoqchi.
Yozda “Inter”dan kelib qo‘shilgan Lukaku joriy mavsumda APLning 23 ta o‘yinida 5 ta gol urdi.
