“Челси” ҳужумчиси Ромелу Лукаку фаолиятини Испанияда давом эттириши мумкин.

Эрлинг Холанд (“Боруссия”) ёки Роберт Левандовски (“Бавария”)ни қўлга киритишда қийналаётган “Барселона” бельгиялик футболчини ўз сафига қўшиб олиш имкониятини кўриб чиқишга тайёр, дея хабар бермоқда Diario Sport.

"Блаугранлар" президентининг спорт маслаҳатчиси Жорди Кройфф ва директор Матэу Алемани аллақачон Лукакунинг агенти Федерико Пасторелло билан учрашиб, трансфер масаласини муҳокама қилишган. Каталонияликлар Лукакуни сотиб олишга қурби етмагани учун ижара варианти кўриб чиқилмоқда.

Ҳозирча бу масала бўйича аниқ маълумотлар йўқ, томонлар биринчи навбатда "Челси" эгасининг ўзгариши билан боғлиқ вазият қандай ривожланишини баҳоламоқчи.

Ёзда “Интер”дан келиб қўшилган Лукаку жорий мавсумда АПЛнинг 23 та ўйинида 5 та гол урди.