"Ayaks" yarim himoyachisi Antoni "Yuventus"ning qiziqishlar doirasida tushib qoldi.

Turin klubi yozda “Yuventus”ni tark etadigan Paolo Dibalaga o‘rinbosar topishga harakat qilmoqda. Avvalroq Anxel Di Mariya va Nikolo Dzanyololarning transferlariga qiziqish bo‘layotgani haqida xabarlar tarqalgandi.

So‘nggi ma’lumotlarga ko‘ra, turinliklar e’tiborini "Ayaks" yarim himoyachisi Antoniga qaratgan, deb xabar beradi Calciomercato.

Qayd etilishicha, “Ayaks” futbolchining transferidan 35 million yevro ishlab olishni rejalashtirmoqda.

Joriy mavsumda Antoni 23 ta o‘yin o‘tkazib, 8 ta gol urdi va 4 ta golli uzatmani amalga oshirdi.