"Аякс" ярим ҳимоячиси Антони "Ювентус"нинг қизиқишлар доирасида тушиб қолди.
Турин клуби ёзда “Ювентус”ни тарк этадиган Паоло Дибалага ўринбосар топишга ҳаракат қилмоқда. Аввалроқ Анхел Ди Мария ва Николо Дзаньололарнинг трансферларига қизиқиш бўлаётгани ҳақида хабарлар тарқалганди.
Сўнгги маълумотларга кўра, туринликлар эътиборини "Аякс" ярим ҳимоячиси Антонига қаратган, деб хабар беради Calciomercato.
Қайд этилишича, “Аякс” футболчининг трансферидан 35 миллион евро ишлаб олишни режалаштирмоқда.
Жорий мавсумда Антони 23 та ўйин ўтказиб, 8 та гол урди ва 4 та голли узатмани амалга оширди.
