Yarim himoyachi Garet Beyl 30 aprel kuni bo‘lib o‘tadigan "Real"ning La Liga o‘yinini o‘tkazib yuboradi.
Marca nashri xabariga ko‘ra, uelslik futbolchi mashg‘ulotlarda astoydil harakat qilgan, biroq o‘yin uchun qaydnoma shakllantirilishidan biroz oldin belida og‘riq borligini ma’lum qilgan va bu murabbiylar shtabi uchun kutilmagan bo‘lgan.
Bosh murabbiy Karlo Anchelotti Beylga o‘yin amaliyoti uchun vaqt berishga tayyor edi, chunki italiyalik mutaxassis Chempionlar ligasida "Manchester Siti"ga qarshi javob o‘yinida asosiy tarkibni saqlab qolish niyatida.
32 yoshli futbolchi joriy mavsumda La Ligada 5 ta o‘yinda maydonga tushib, 1 ta gol urdi.
