Ярим ҳимоячи Гарет Бэйл 30 апрель куни бўлиб ўтадиган "Реал"нинг Ла Лига ўйинини ўтказиб юборади.
Marca нашри хабарига кўра, уэльслик футболчи машғулотларда астойдил ҳаракат қилган, бироқ ўйин учун қайднома шакллантирилишидан бироз олдин белида оғриқ борлигини маълум қилган ва бу мураббийлар штаби учун кутилмаган бўлган.
Бош мураббий Карло Анчелотти Бэйлга ўйин амалиёти учун вақт беришга тайёр эди, чунки италиялик мутахассис Чемпионлар лигасида "Манчестер Сити"га қарши жавоб ўйинида асосий таркибни сақлаб қолиш ниятида.
32 ёшли футболчи жорий мавсумда Ла Лигада 5 та ўйинда майдонга тушиб, 1 та гол урди.
