"Benfika" hujumchisi Darvin Nunyes "Manchester Yunayted"ning yozgi transfer oynasidagi asosiy maqsadiga aylandi.
Goal xabariga ko‘ra, urugvaylik iste’dodli forvard mankunianliklar yangi bosh murabbiyi Erik Ten Xagning e’tiborini tortgan. Agarda Nunyes transferi amalga oshmasa, "Yunayted" Viktor Osimxen (Napoli) yoki Paulo Dibalani (Yuventus) o‘z safiga qo‘shib olishga harakat qiladi.
Avvalroq "Benfika" 22 yoshli Nunyesni 80 million yevro evaziga sotib yuborishga tayyorligini ma’lum qilgan edi. Uning amaldagi shartnomasi 2025 yilning yozigacha amal qiladi.