Rossiya futbol ittifoqi mamlakat futbolini rivojlantirish uchun 3ta ssenariyni ishlab chiqdi. Ular «Evropacha», «Osiyocha» va «ichki» deb nomlanadi. Eslatib o‘tamiz, Rossiya terma jamoalari va klublari xalqaro musobaqalardan chetlatilgani uchun RFI futbolni rivojlantirishning turli variantlarini ko‘rib chiqmoqda.

«Evropacha ssenariy»:

Terma jamoalar: sanksiya bekor qilinguncha muntazam o‘rtoqlik uchrashuvlarini o‘tkazish; boshqa Konfederasiyalar sha’feligidagi xalqaro musobaqalarda ishtirok etish ariza berish (masalan, Ekvadorda o‘tadigan Amerika kubogi-2024da qatnashish).

Professional klublar: Rossiya klublarining yevrokuboklardagi ishtiroki to‘xtatilgan davrini inobatga olib ichki chempionatda islohot o‘tkazish (bo‘sh o‘yin kunlarini to‘ldirish orqali uchrashuvlar sonini oshirish).

«Osiyocha ssenariy»:

Bu variant RFIni UYEFA a’zoligidan chiqib, Osiyo futbol konfederasiyasi a’zoligiga o‘tishni ko‘zda tutadi.

Terma jamoalar: milliy jamoalar OFK tasarrufidagi musobaqalarda ishtirok etadi; terma jamoaning kattalar va yoshlar o‘rtasidagi jahon chempionatlari va olimpiya o‘yinlarida ishtirok etish imkoniyati oshadi.

Professional klublar: OFK tasarrufidagi musobaqalarda ishtirok etadi (Osiyo chempionlar ligasi, OFK kubogi).

«Ichki ssenariy»

RFI e’tiborni milliy chempionatni rivojlantirish va "do‘stona" mamlakatlar bilan hamkorlikni rivojlantirishga qaratadi.

Terma jamoalar: "do‘st" mamlakatlar milliy jamoalari bilan o‘rtoqlik musobaqalarini o‘tkazish.

Professional klublar: ichki chempionatga "do‘st" mamlakatlar klublarini jalb qilish orqali islohot o‘tkazish.

«Biz barcha ehtimoliy variantlarini ishlab chiqyapmiz. Bular hozir shunchaki taxmin bashoratlarga asoslangan. Ayni paytda biz UYEFA va FIFA a’zosi hisoblanamiz hamda konfederasiyani o‘zgartirmoqchi emasmiz», – deyiladi RFI bayonotida.