«Adana Demirspor» hujumchisi Mario Balotelli agenti Mino Rayola xotirasiga iliq so‘zlar aytdi.

«Siz hayotda ham, futbolda ham doim men bilan birga bo‘lgansiz! Sizning tanbehlaringiz, yordamingiz, maslahatlaringiz, hazillaringiz va strategiyalaringiz doimo mening hayolimda bo‘ladi.

Men sizni yaxshi ko‘raman va sizni ikkinchi otam kabi bilaman. Alvido, Mino», deb yozdi Balotelli ijtimoiy tarmoqlaridagi sahifasida.

28 aprel kuni italiyalik jurnalist Tankredi Palmiyeri uzoq davom etgan xastalikdan so‘ng Rayolani vafot etganini ma’lum qildi. Biroq, keyinchalik bu ma’lumotni rad etildi. Ertasi kuni ma’lumot rasman tasdiqlandi.

Rayola Zlatan Ibrahimovich, Pol Pogba, Erling Xoland, Janluiji Donnarumma va boshqa ko‘plab mashhur futbolchilarning agenti bo‘lgan.