"Paxtakor" bosh murabbiyi Slavche Voyneski AGMKga qarshi o‘yindan so‘ng (0:0) matbuot anjumanida qatnashdi.

"OCHLdan qaytib kelganimizdan 3-4 kun o‘tgach, maydonga tushish qiyin. Shunga qarmasdan, o‘yinni yaxshi ruhda boshladik. To‘pni o‘zimizda nazorat qildik. Raqib jamoa esa bir ochko qo‘lga kiritish uchun tashrif buyurgani sezilib qoldi. Ular himoyaviy o‘yin namoyish etishdi. Biz ko‘plab vaziyatlar yaratdik, ammo ulardan foydalana olmadik. Bu borada ishlashimiz kerak. Menimcha, uchrashuv hakami bugungi o‘yinga mos saviyada emasdi. O‘z navbatida, barchani Ramazon Hayiti bilan tabriklayman. Bayram bo‘lishiga qaramay, sizlar bugun ham ishdasizlar, buni hurmat qilaman.

Birinchi navbatda, o‘yinni ko‘rib chiqishimiz kerak. Agar biz o‘ylagan holatlar kuzatilsa, tegishli tashkilotga murojaat qilamiz. Lekin men natija uchun jazavaga dod-voy qiladigan murabbiy emasman. Ilk navbatda, o‘z imkoniyatlarimizdan foydalanishimiz lozim. Dastavval o‘z xatolarimizni tahlil qilamiz, so‘ngra boshqa vaziyatlarni ko‘zdan kechiramiz.

Hozirda vaziyatlardan unumli foydalanish borasida muammolarimiz talaygina. Masalan, OCHLda Erkinovda bir qancha imkoniyatlar yuzaga kelib, undan foydalana olmagandi. U endigina 20 yoshni qarshi oldi, ehtimol, 25 ga kirganda, ko‘zi yumiq holda ham vaziyatlardan foydalanishi mumkin. Lekin kerakli darajaga chiqquncha kutishga to‘g‘ri keladi", - dedi "sherlar" bosh murabbiyi.