"Barselona" "Vulverxempton" yarim himoyachisi Ruben Neveshga qiziqish bildirmoqda, deb xabar beradi Sport.es.

Manbaning ma’lumotiga ko‘ra, futbolchi kelasi yozda o‘z klubini tark etmoqchi. Neveshga asosiy da’vogarlar "Manchester Yunayted" va Londonning "Arsenal" klublaridir, ammo portugaliyalikning o‘zi "Barselona"da o‘ynashni orzu qiladi, bu esa uning Kataloniya klubiga o‘tish jarayonini osonlashtirishi mumkin.

Nevesh vakili kataloniyaliklar rahbariyati bilan yaxshi munosabatda bo‘lgan portugaliyalik agent Jorje Mendesh ekanligi ham ispanlar foydasiga o‘ynaydi.

Manbaga ko‘ra, "Vulverxempton" yarim himoyachi uchun 120 million yevro talab qilmoqda.

25 yoshli futbolchi joriy mavsumda APLda 29 ta o‘yinda maydonga tushib, 4 ta gol urdi va 2 ta golli uzatmani amalga oshirdi.