"Барселона" "Вулверхэмптон" ярим ҳимоячиси Рубен Невешга қизиқиш билдирмоқда, деб хабар беради Sport.es.
Манбанинг маълумотига кўра, футболчи келаси ёзда ўз клубини тарк этмоқчи. Невешга асосий даъвогарлар "Манчестер Юнайтед" ва Лондоннинг "Арсенал" клубларидир, аммо португалияликнинг ўзи "Барселона"да ўйнашни орзу қилади, бу эса унинг Каталония клубига ўтиш жараёнини осонлаштириши мумкин.
Невеш вакили каталонияликлар раҳбарияти билан яхши муносабатда бўлган португалиялик агент Жорже Мендеш эканлиги ҳам испанлар фойдасига ўйнайди.
Манбага кўра, "Вулверхэмптон" ярим ҳимоячи учун 120 миллион евро талаб қилмоқда.
25 ёшли футболчи жорий мавсумда АПЛда 29 та ўйинда майдонга тушиб, 4 та гол урди ва 2 та голли узатмани амалга оширди.
