Angliya Premyer-ligasining 35-turidan o‘rin olgan so‘nggi o‘yinda "Manchester Yunayted" "Brentford"ni yirik hisobda mag‘lub etib, raqib darvozasiga javobsiz uchta gol urdi. "Manchester Yunayted" bosh murabbiyi Ralf Rangnikning fikricha, uning jamoasi joriy mavsumdagi eng yaxshi o‘yinlardan birini o‘tkazdi.
"Uchrashuvni nazorat qildik, to‘pga egalik qilish borasida esa bu mavsumdagi eng yaxshi o‘yinlardan biri bo‘ldi. Biz muxlislarimizga mana shunday futbol ko‘rsatmoqchimiz. Bu haqli g‘alaba edi va biz yana ikki-uchta gol urishimiz mumkin edi. Bruno gol urganidan juda xursandman, u ham avvalgi o‘yinlardagidan yaxshiroq o‘ynadi", deb Rangnik so‘zlarini keltiradi Sky Spotrs nashri.