"Manchester Yunayted" bosh murabbiyi Ralf Rangnik klub tez orada jahon futboli cho‘qqisiga qaytishi mumkinligini aytdi.
"Ochig‘i, mavsum oxirida ko‘plab o‘yinchilar ketishadi, shuning uchun yangi yuqori saviyali o‘yinchilar kerak bo‘ladi. Agar hamma birgalikda harakat qilsa, biz "Manchester Yunayted"ni kerakli joyga qaytarishimiz mumkinligiga aminman.
Boshqa klublarga nom qozonish uchun faqat ikki yoki uchta transfer oynasi kerak edi. Shuning uchun endi biz faqat yuqori saviyali o‘yinchilarni qo‘lga kiritishimiz kerak, ular haqiqatan ham saviyamizni oshiradi.
Agar shunday davom etsa, "MYU"ni jonlantirish jarayoni ko‘p vaqtni talab qilmaydi", dedi Rangnik.