«Barselona» mavsum oxirida jamoa bilan shartnomasi yakunlanayotgan hujumchi Usmon Dembelening ketishiga yo‘l qo‘ymoqchi emas. Bu haqda Marca xabar bermoqda.

Avvalroq, «PSJ» hujumchiga 17 million yevro maosh va shartnoma imzolangani uchun bonus taklif qilgani xabar qilingandi. Futbolchi parijliklarning taklifiga hozircha javob qaytargani yo‘q. Qayd etilishicha, Dembele uchun ustuvor variant «Barsa» bilan yanada qulayroq shartnoma borasida kelishib olish.

Usmon Dembele 2017 yildan beri «Barselona» safida to‘p tepadi. Futbolchining klub bilan shartnomasi 2022 yilning 30 iyuniga qadar amal qiladi. Transfermarkt ma’lumotlariga ko‘ra, futbolchining bozor qiymati 30 million yevroni tashkil qiladi.

Dembele joriy mavsumda La Ligada 17 ta o‘yinda maydonga tushib, 1 ta gol va 11 ta golli uzatmani amalga oshirdi.