«Manchester Siti» bosh murabbiyi Xosep Gvardiola «Real»dagi hamkasbi Karlo Anchelottini Ispaniya chempionatidagi g‘alabasi bilan tabrikladi.
Eslatib o‘tamiz, o‘tgan dam olish kunlari «qirollik klubi» o‘z maydonida «Espanyol»ni 4:0 hisobida mag‘lub etib, 35-La Liga chempionligini qo‘lga kiritgan edi.
«Men Anchelottini Ispaniya chempionatidagi g‘alabasi bilan tabriklamoqchiman, men ham buni oldin qilganman, endi u shunday qildi.
U meni hayratda qoldirdi. U ko‘plab mamlakatlarda bo‘lgan va ko‘plab ajoyib jamoalar qurgan», - deydi Gvardiola «Real»ga qarshi o‘yin oldidan matbuot anjumanida.