«Arsenal» hujumchi Eddi Nketia bilan shartnomani uzaytirish bo‘yicha taklif tayyorlamoqda. Futbolchining amaldagi shartnomasi shu yozda tugaydi.
21 yoshli bo‘lgan Angliya terma jamoasi hujumchisi bu mavsumda Aleksandr Lyakazett bilan kechgan asosiy tarkib uchun kurashda mag‘lub bo‘lganidan so‘ng jamoani tark etmoqchi. Biroq so‘nggi o‘yinlarda Nketia asosiy tarkibda ko‘proq maydonga tusha boshladi. Daily Mail xabariga ko‘ra, «Arsenal» futbolchi bilan shartnomani uzaytirish bo‘yicha so‘nggi taklifni tayyorlamoqda.
Futbolchi joriy mavsumda APLda 17 ta o‘yinda maydonga tushib, 2 ta gol va 1 ta golli uzatmani amalga oshirdi.