«Manchester Siti» yarim himoyachisi Kevin De Bryuyne jamoadoshi Gabriel Jezus Manchester klubida o‘ynashda davom etishiga umid bildirdi. Mish-mishlarga ko‘ra, braziliyalik futbolchiga «Arsenal» va «Barselona» da’vogarlik qilmoqda.
«Men Jezus bilan boshidanoq yaxshi munosabatda edim. O‘ylaymanki, u fidoyilik ko‘rsatadi va jamoaga yordam berishda davom etadi.
Men Gabrielning qobiliyatiga hech qachon shubha qilmaganman va u hali juda yosh. Umid qilamanki, biz ko‘p yillar birga o‘ynaymiz», - deya De Bryuyne so‘zlarini keltiradi Goal.
Jezus joriy mavsumda barcha turnirlarda 37 ta o‘yinda maydonga tushib, 13 ta gol va 12 ta golli uzatmani amalga oshirdi.
