«Манчестер Сити» ярим ҳимоячиси Кевин Де Брюйне жамоадоши Габриэль Жезус Манчестер клубида ўйнашда давом этишига умид билдирди. Миш-мишларга кўра, бразилиялик футболчига «Арсенал» ва «Барселона» даъвогарлик қилмоқда.

«Мен Жезус билан бошиданоқ яхши муносабатда эдим. Ўйлайманки, у фидойилик кўрсатади ва жамоага ёрдам беришда давом этади.

Мен Габриэлнинг қобилиятига ҳеч қачон шубҳа қилмаганман ва у ҳали жуда ёш. Умид қиламанки, биз кўп йиллар бирга ўйнаймиз», - дея Де Брюйне сўзларини келтиради Goal.

Жезус жорий мавсумда барча турнирларда 37 та ўйинда майдонга тушиб, 13 та гол ва 12 та голли узатмани амалга оширди.