Turinning «Yuventus» klubining argentinalik hujumchisi Paulo Dibala yetti yillik o‘yinlaridan so‘ng mavsum yakunida jamoani tark etishga yaqin turibdi. Uning xizmatlari uchun bir qancha ingliz klublari qiziqish bildirmoqda, Italiyada esa uni faqat «Inter» futbolchiga ko‘z tikkan.

Ammo Dibala «Inter»ga o‘tishni istamoqda, deya xabar beradi La Gazzetta Dello Sport. Manbaga ko‘ra, erkin agentga aylanadigan Dibala Milan klubi bilan og‘zaki kelishuvga erishgan va u yerda yiliga olti million yevro maosh oladi. Bundan tashqari, u bonuslarga ham ega chiqadi.

«Inter» rahbariyati bilan hal qiluvchi uchrashuv o‘tgan hafta «Bolonya» va «Udineze» bilan o‘yinlar oralig‘ida bo‘lib o‘tgan.