«Barselona» Braziliyaning «Santos» klubini 18 yoshli vunderkindi Kayki Fernandeshni o‘z safiga qo‘shib olmoqchi. Transfer summasi 20 million yevroga baholanmoqda.
Kayki Fernandesh Braziliyadagi eng istiqbolli yosh himoyachilardan biri sifatida tanilgan. Yosh futbolchi allaqachon Braziliya klubining asosiy o‘yinchisi hisoblanadi. Shu hafta himoyachi «Santos» bilan shartnomasini 2026 yilgacha uzaytirdi, biroq bu «Barselona»ning yozda futbolchini qo‘lga kiritishiga to‘sqinlik qilishi kutilmayapti, deb xabar beradi «SPORT».
Bu yil Fernandesh «Santos» safida 11 ta o‘yinda maydonga tushib, 1 ta gol urishga erishdi.
