«Manchester Yunayted» yarim himoyachisi Pol Pogba «Monako» futbolchisi Orelyen Tchuameni o‘yini haqida gapirdi.

«U endi oddiy bola emas, ulg‘aygan kuchli shaxs. Uning yonida o‘ynash yoqimli. U o‘zi bilan juda ko‘p energiya olib yuradi. Favqulodda texnik va jismoniy sifatlar unda ko‘p», - deydi Pogba «Monako»ning 22 yoshli yarim himoyachisi haqida.

Oldinroq futbolchi yozgi transferlar oynasida amaldagi klubini tark etishi mumkinligi haqida xabarlar tarqalgan edi.

Uning xizmatlariga APLning bir qancha klublari, shuningdek, Madridning «Real» klubi qiziqish bildirmoqda.

Joriy mavsumda Tchuameni Fransiya chempionatida 32 ta o‘yin o‘tkazib, 1 ta gol urdi va 1 ta golli uzatmani amalga oshirdi.