Madridning “Atletiko” klubi hujumchisi Joau Feliks mavsum yakuniga qadar maydonga tushish imkoniyatiga ega. 22 yoshli hujumchi fizioterapevt Xose Ignasio Zaxinosa qo‘l ostida mashg‘ulot o‘tkazdi. Bu haqda Mundo Deportivo xabar bermoqda.
Manba bergan xabarga ko‘ra, futbolchi 15 may kuni "Sevilya" bilan bo‘lib o‘tadigan Ispaniya chempionati 37-turi doirasidagi uchrashuvda maydonga tushishi mumkin.
Oldinroq portugaliyalik futbolchi chap sonning mushaklaridan jarohat olgani haqida xabar berilgandi. Shuningdek, Feliks joriy mavsum oxirigacha "Atletiko" o‘yinlarida maydonga tushmasligi taxmin qilingan.
