"Tottenxem"ning chap qanot himoyachisi Serxio Regilon jamoasining "Liverpul"ga qarshi safardagi o‘yinini o‘tkazib yuboradi. Bu haqda "shporlar" bosh murabbiyi Antonio Konte matbuot anjumanida malum qildi.
"Regilon "Liverpul"ga qarshi o‘yinda qatnasha olmaydi. Mavsum tugashiga ikki hafta qoldi. To‘g‘risini aytsam, Serxio bu mavsumda yana bizda o‘ynay oladimi yoki yo‘qmi, bilmayman”, dedi Konte o‘yindan oldingi matbuot anjumanida.
Eslatib o‘tamiz, "Tottenxem" hozirda "Arsenal"dan ikki ochkoga ortda qolib, Chempionlar ligasiga chiqish uchun kurashmoqda. “Liverpul”ga kelsak, Yurgen Klopp jamoasi chempionlik uchun harakat qilmoqda.
