Lissabonning "Sporting" klubi "Manchester Siti"ga tegishli bo‘lgan yarim himoyachi Pedro Porro bilan ijara shartnomasidagi sotib olish bandini faollashtirmoqchi. Record Portugal xabariga ko‘ra, "shaharliklar" bu transfer uchun 8,5 million yevro olishadi.
Qayd etilishicha, "Manchester Siti" kelajakda ispaniyalik yarim himoyachini 20 million yevro evaziga qayta sotib olish huquqini saqlab qoladi. Bu shart "Sporting" bilan tuzilgan shartnomada ko‘rsatilgan.
Joriy mavsumda Pedro Porro Portugaliya chempionatida 3 ta gol va 4 ta golli uzatmani amalga oshirdi. Yarim himoyachi sentyabr oyida 23 yoshga to‘ladi.
