Лиссабоннинг "Спортинг" клуби "Манчестер Сити"га тегишли бўлган ярим ҳимоячи Педро Порро билан ижара шартномасидаги сотиб олиш бандини фаоллаштирмоқчи. Record Portugal хабарига кўра, "шаҳарликлар" бу трансфер учун 8,5 миллион евро олишади.
Қайд этилишича, "Манчестер Сити" келажакда испаниялик ярим ҳимоячини 20 миллион евро эвазига қайта сотиб олиш ҳуқуқини сақлаб қолади. Бу шарт "Спортинг" билан тузилган шартномада кўрсатилган.
Жорий мавсумда Педро Порро Португалия чемпионатида 3 та гол ва 4 та голли узатмани амалга оширди. Ярим ҳимоячи сентябр ойида 23 ёшга тўлади.
