"Chelsi" yarim himoyachisi Meyson Maunt hozirgi jamoasini tark etish niyatida emas. Bu haqda insayder Fabrisio Romano ijtimoiy tarmog‘ida xabar berdi.
Manbaga ko‘ra, Meyson uchun har doim "Chelsi"da qolish ustuvor vazifa bo‘lib kelgan, uning klubga sodiqligiga shubha yo‘q. Ayni damda angliyalik futbolchi «Liverpul» yoki «Manchester Siti» bilan muzokaralar olib bormayapti. Yarim himoyachi bilan shartnomani yangilash sanksiyalarga qaramay, «Chelsi»ning eng muhim vazifalaridan biri hisoblanadi
"Chelsi" futbolchi bilan shartnomani uzaytirish bo‘yicha muzokaralarni Roman Abramovichga Buyuk Britaniya hukumati tomonidan sanksiya berilgunga qadar boshlashni rejalashtirgandi. Ammo amalga oshmadi.
23 yoshli Meyson Maunt "ko‘klar"ning eng kam maosh oluvchi futbolchilaridan biri bo‘lib, haftasiga 82 ming yevro maosh oladi. Maunt joriy mavsumda “Chelsi” safida 29 ta o‘yinda maydonga tushib, 10 ta gol va 9 ta golli uzatmani amalga oshirdi.
