"Челси" ярим ҳимоячиси Мейсон Маунт ҳозирги жамоасини тарк этиш ниятида эмас. Бу ҳақда инсайдер Фабрицио Романо ижтимоий тармоғида хабар берди.
Манбага кўра, Мейсон учун ҳар доим "Челси"да қолиш устувор вазифа бўлиб келган, унинг клубга содиқлигига шубҳа йўқ. Айни дамда англиялик футболчи «Ливерпуль» ёки «Манчестер Сити» билан музокаралар олиб бормаяпти. Ярим ҳимоячи билан шартномани янгилаш санкцияларга қарамай, «Челси»нинг энг муҳим вазифаларидан бири ҳисобланади
"Челси" футболчи билан шартномани узайтириш бўйича музокараларни Роман Абрамовичга Буюк Британия ҳукумати томонидан санкция берилгунга қадар бошлашни режалаштирганди. Аммо амалга ошмади.
23 ёшли Мейсон Маунт "кўклар"нинг энг кам маош олувчи футболчиларидан бири бўлиб, ҳафтасига 82 минг евро маош олади. Маунт жорий мавсумда “Челси” сафида 29 та ўйинда майдонга тушиб, 10 та гол ва 9 та голли узатмани амалга оширди.