"Liverpul" bosh murabbiyi Yurgen Klopp APLning 36-turidan o‘rin olgan "Tottenxem"ga qarshi o‘yin haqidagi fikrlari bilan o‘rtoqlashdi.
"Biz g‘alaba qozonishimiz kerak. To‘g‘ri, "shporlar" hozir dunyoning eng yaxshi hujumkor jamoasi. Ular safida golni his qila oladigan futbolchilar yetarlicha. Son Xin Min va Xarri Keyn juftligi haqida ortiqcha gap shart emas. "Tottenxem" umuman to‘pga egalik qilishda kuchli klub, ammo biz APL chempionligini qo‘lga kiritmoqchimiz va buning uchun ertaga g‘alaba qozonishimiz shart", - deya Kloppning so‘zlarini keltiradi Kicker.
"Liverpul" va "Tottenxem" o‘rtasidagi qarama-qarshilik 7 may kuni "Enfild"da bo‘lib o‘tadi. “Qizillar” Premyer-liga chempionligi uchun kurashni davom ettirmoqda. Klopp shogirdlari 34 uchrashuvdan so‘ng 82 ochko jamg‘arib, turnir jadvalida "Manchester Siti"dan bir ochko ortda qolib, ikkinchi o‘rinda bormoqda.
O‘z navbatida "Tottenxem" Chempionlar ligasiga chiqish uchun kurashmoqda, "shporlar" ham 34 ta o‘yin o‘tkazib, 61 ochko jamg‘argan. Antonio Konte jamoasi ayni damda 61 ochko bilan APL turnir jadvalida 5-o‘rinda bormoqda. Ular Chempionlar Ligasi zonasidan atigi ikki ochko ortda qolishdi.
