Germaniyaning nufuzli manbalari bergan xabarlarga ko‘ra, "Bayer" vingeri Mussa Diabi "Arsenal"ning e’tibor markaziga tushgan. Londonliklar futbolchining narxini belgilashgan.

Leverkuzenliklar futbolchini 50 million yevroga baholashgan. Undan ham arzonroqqa futbolchi qo‘yib yuborilmaydi, chunki uning shartnomasi 2025 yilgacha mo‘ljallangan.

Diabi - Bundesligada mavsumning eng yaxshi o‘yinchilaridan biri. U barcha musobaqalarda 40 ta uchrashuvda maydonga tushib, 16 ta gol va 13 ta golli uzatmaga mualliflik qilgan.