"Real" vingeri Rodrigo bir vaqtlar "Barselona"ga o‘tishi mumkin edi, deya xabar berdi Sport.es
Manbaga ko‘ra, 2017 yil bahorda "Barselona" va Rodrigo o‘rtasida kelishuv bo‘lgan. Ammo, "Real" u uchun "Santos" klubiga 40 mln yevro taklif qilgandan so‘ng, Braziliya klubi buni tezkorlik bilan qabul qilishdi.
"Barselona" o‘sha payt bunaqa taklif bilan chiqa olmasdi. Shuningdek, Rodrigo "Real"dan hozirgacha 8 mln yevro bonus olgan, kataloniyaliklar bilan shartnoma tuzganida futbolchi atigi 1 mln yevro bonus ishlab topardi.
21 yoshli qanot hujumchisi joriy mavsum barcha turnirlarda 44 ta o‘yinda maydonga tushib, 8 ta gol urdi va 9 golli uzatma amalga oshirdi.
