"Реал" вингери Родриго бир вақтлар "Барселона"га ўтиши мумкин эди, дея хабар берди Sport.es
Манбага кўра, 2017 йил баҳорда "Барселона" ва Родриго ўртасида келишув бўлган. Аммо, "Реал" у учун "Сантос" клубига 40 млн евро таклиф қилгандан сўнг, Бразилия клуби буни тезкорлик билан қабул қилишди.
"Барселона" ўша пайт бунақа таклиф билан чиқа олмасди. Шунингдек, Родриго "Реал"дан ҳозиргача 8 млн евро бонус олган, каталонияликлар билан шартнома тузганида футболчи атиги 1 млн евро бонус ишлаб топарди.
21 ёшли қанот ҳужумчиси жорий мавсум барча турнирларда 44 та ўйинда майдонга тушиб, 8 та гол урди ва 9 голли узатма амалга оширди.
