“Reynjers” himoyachisi Jeyms Tavernye joriy mavsum Yevropa Ligasining eng yaxshi to‘purari bo‘lishga yaqin turibdi.

Angliyalik o‘ng qanot himoyachisi bugun Yevropa Ligasi musobaqasida "Leypsig" darvozasiga o‘zining yettinchi golini urdi va final oldidan to‘purarlar poygasida yakkama-yakka peshqadamga aylanib oldi. 30 yoshli “Reynjers” sardorining 7 ta golidan 4tasi penaltidan kiritildi.

Tavernyening eng yaqin ta’qibchilari “Lion” a’zosi Karl Toko Ekambi va “Portu” futbolchisi Galenolar oltitadan gol urishga muvaffaq bo‘lishdi, biroq ularning jamoalari allaqachon turnirdagi faoliyatini yakunlagan.

“Ayntraxt” jamoasi futbolchisi Daita Kamada “Reynjers” himoyachisiga yetib olish uchun nazariy imkoniyatga ega – buning uchun yaponiyalik futbolchi finalda xet-trik qayd etishi kerak.

“Reynjers” va “Ayntraxt” o‘rtasidagi Yevropa ligasi finali 18 may kuni Sevilya shahrida bo‘lib o‘tadi.